1 июльдән – яңа тарифлар

1 июльдән торак-коммуналь хезмәтләргә бәя күтәрелә. 2012 елда ил җитәкчелеге торак-коммуналь хезмәтләр бәясен беренче тапкыр җәй уртасында күтәрә.
Индексациянең икенче дулкыны сентябрьдә булырга мөмкин. Тарифларны Федераль тарифлар хезмәте раслаган. Утка, суга, газга бәяләр, узган ел белән чагыштырганда, якынча 5-15 процентка арта. Әйтик, электр энергиясенең бер киловатт-сәгате өчен 2 сум 57 тиен түли башлаячакбыз. Салкын суның бер кубометры - 18 сум 80 тиен. Әйтүләренчә, 1 сентябрьдән бу бәя дә үзгәрәчәк.