Җырчы Резедә Шәрәфиевадан кабымлык рецепты

Кирәк булачак:
2,5 кг помидор,
0,5 кг татлы борыч,
0,1 кг әче борыч,
0,5 кг кишер,
1 стакан шикәр комы,
0,5 стакан тоз,
0,5 стакан серкә,
150 грамм керән тамыры,
150 грамм сарымсак.


Яшелчәләрне иттарткыч аша чыгарабыз. Барлык ингредиентларны бергә кушып болгатабыз. Чиста банкаларга тутырып, суыткычка куябыз. Бозылмый торган бик тәмле һәм витаминлы кабымлык! Кишере каты буладыр дип уйлаучылар, аны блендер белән изеп куша ала. Яки бөтенләй кулланмаска да мөмкин.