БЕЛЕН ЭЧЛЕКЛӘРЕ
Беленнәрне табынга каймак, җиләк-җимеш кайнатмасы, джем белән бирергә була. Эчлек белән төрергә дә мөмкин. Шуларның берничәсен сезгә дә тәкъдим итәбез.
Йомыркалы эчлек. 4 йомырканы каты итеп пешерергә. Угычтан уарга. Вак итеп туралган яшел суган кыягы, тәменчә тоз кушарга. Корырак булса, 1 аш кашыгы каймак өстәргә мөмкин.
Эремчекле эчлек. 500 г эремчеккә 1 йомырка сарысы, 2 аш кашыгы шикәр комы, 50 г йөзем кушарга.
Итле эчлек. 500 г ит фаршын вак итеп туралган
1 суган белән кыздырырга. Тәменчә тоз, борыч өстәргә.
Итле-дөгеле эчлек. Суганны вак итеп турарга. Фаршны согы парга әйләнеп беткәнче үсемлек маенда кыздырырга. Суган кушып, бергә кыздырырга. Әзер фаршка пешкән дөге өстәргә, тәменчә тоз, борыч сибеп болгатырга.
Следите за самым важным и интересным в Telegram-каналеТатмедиа
Нет комментариев