Алмадан пюре

• 5 кг алма
• 1 банка куертылган сөт (сгущенка)
• 0,5 стакан шикәр комы
• 1 стакан су

Алмаларны юып, кабыгыннан һәм үзәгеннән арындырып, дүрт өлешкә бүләргә. Калын төпле кәстрүлгә су һәм алмаларны салып, акрын утта ярты сәгать чамасы (алмалар йомшарганчы) пешерергә. Аннары, уттан алып блендер яки тукмак ярдәмендә изәргә. Шуңа шикәр комы кушып, кайнатып чыгарырга. Куертылган сөтне дә салып, болгата-болгата 5 минут пешерергә (янып китмәсен!). Пюре әзер. Стерильләштерелгән банкаларга тутырып, капкачлап, суынганчыга кадәр төреп куясы гына калды.