Әчегән сөттән тиз әзерләнә торган пирог

Кирәк: 1 стакан (200мл) шикәр комы, 1 стакан әчегән сөт, 320 гр он, 1 йомырка, 1 ч.к. чәй содасы, 70 гр шоколад.

Йомырка белән шикәр комын кушып, яхшылап болгатырга, әчегән сөт белән чәй содасын өстәргә һәм бутарга, аннары онны салып болгатырга һәм вак­ланган шоколадны (аның урынына үзегез теләгән җиләк-җимеш яки башка нәрсә) да камырга кушарга. Майланган табага яки формага (манный яки он да сибәргә онытмагыз) бушатып, 180 градускача кыздырылган мичтә 30-40 минут пешерегез.

Чәйләрегез тәмле булсын!

Әлеге язма күңелегезгә хуш килсә, комментарий яза яисә аста урнаштырылган төймәләргә басып (смайллар), үз фикерегезне белдерә аласыз.