Безнең завод – җиңүче

Яшел Үзәннең Горький исемендәге заводы «2011 елның иң яхшы тәэмин итүчесе» бәйгесенең «Дәүләт һәм муниципаль ихтыяҗлар өчен товар, эш һәм хезмәт белән иң яхшы тәэмин итүче» төп номинациясендә җиңүчесе дип танылды.
Мәскәүдә узган «Дәүләт заказы-2012» сигезенче Бөтенроссия форум-күргәзмәсендә «Иң яхшы тәэмин итүче-2011» бәйгесендә җиңүчеләрне котладылар. Яшел Үзән заводы шулай ук машина төзелеше һәм нефтехимия җиһазлары һәм продукциясе белән иң яхшы тәэмин итүче буларак та билгеләп үтелде.
Әлеге бәйге форум-күргәзмәнең иң әһәмиятле һәм абруйлы өлеше, аның максаты - дәүләт заказы базарында катнашучыларның абруен һәм җаваплылыгын күтәрүгә булышлык итү.