Гариза бирү белән эштән китеп буламы?

– РФ Хезмәт Кодексының 80нче маддәсенә ярашлы рәвештә,  хезмәткәр  үз теләге белән хезмәт килешүен туктата ала, моның өчен ул эш бирүчене язма рәвештә ике атна алдан кисәтергә тиеш, – дип аңлата бу сорау буенча прокурор ярдәмчесе Рифат Сафиуллин. –Эш бирүче һәм хезмәткәр арасында үзара аңлашу буенча  хезмәт килешүе кисәтү срогы чыкканчы да туктатылырга мөмкин. Әгәр дә хезмәткәр үз инициативасы  (үз теләге белән) китсә һәм аның сәбәпләре дә ачыкланса, мәсәлән  укырга керү, пенсиягә чыгу һәм шулай ук коллектив килешүләрендә күрсәтелгән очракларда эш бирүче хезмәткәрнең гаризасында күрсәтелгән срокта хезмәт килешүен өзәргә тиеш.