Дәүләт пособиесен банк бурыч хисабына басып кала аламы?
– Минем банк каршында кредит бурычым бар. Хәзер сәламәтлегем какшау сәбәпле, мәшгульлек үзәгенә учетка басарга мәҗбүрмен (җиңел эшкә күчү өчен, авыруыма кадәр эшкә рәсми урнашмаган идем). Эшсезлек буенча дәүләт пособиесен (ул шул банк аша күчерелә) бурыч исәбенә басып калырга банкның хокукы бармы?
– «Башкару производствосы турында»гы 229нчы Федераль законның 101нче маддәсенең 1нче өлеше, 9нчы пунктына яраклы рәвештә, башкару (исполнительный) документы мәҗбүри социаль иминиятләштерү буенча иминият тәэмин итүгә (страховое обеспечение) юнәлдерелә алмый. Эшсезлек буенча пособие закон тарафыннан андый категориягә кертелмәгән, шуңа күрә, башкару документы нигезендә, банк мондый төр түләүләрне бурыч хисабына басып кала ала.
Следите за самым важным и интересным в Telegram-каналеТатмедиа
Нет комментариев