Римма Никитина бәби көтәме?

«Нишләп киң күлмәкләр кия башладың? Тазарып киттеңме, әллә бәби көтәсеңме?» – дип сорый башлаган Римма Никитинаның язылучылары.

Аларга җавап итеп, җырчы видео төшергән. Анда ул бармагындагы йөзекне күрсәткән һәм матур күлмәкләр киеп, эчен дә сыйпаган. Хәзер инде җырчының язылучыларына фантазияләрен эшкә җигәргә генә кала...

«Дуслар, яраткан кешем турында сораулар бик күп килә. Безнең барысы да әйбәт, барысы да тыныч. Журналистлар, мине аптыратудан туктасагыз иде. Шәхси тормышым турында сөйлисем килми. Әмма шуны әйтәсем килә – әлеге моментта минем барысы да яхшы. Мин үз кешемне очратуыма, аның тормышымда барлыкка килүенә бик шатмын. Нәкъ менә аның белән мин үземне бәхетле хис итәм», – дип тә әйткән иде ул.

Интертат