Гөлназ һәм Илсур Шәрипҗановлар гаиләсендә кайгы

Җырчы Гөлназ һәм Илсур Шәрипҗановлар гаиләсендә зур югалту. Гөлназның бабасы вафат.

«Китте бабай… 80 яшь иде», – дип язды сторисларына җырчы әлеге авыр хәбәрне. Гөлназ якын кешесенең видеосы белән дә уртаклаша. Табын артында бабасы тормыш иптәше белән төшкән зур фотоларын карап утыра. Фото янына «Бәхет ул синдә» дип язылган.

Гөлназ Шәрипҗанова соңгы вакытларда бабасы белән хастаханә юлларын еш таптады. Бабасына катлаулы операция дә кичерергә туры килде.

Шәрипҗановларның тирән кайгысын уртаклашабыз.

Интертат

Фото: "Татар-информ" архивы