Геройлар исеме - Кече Ватанга

Илсөя Садыйкова фотосы, «ЯҮ»

Татарстан Республикасының Михаил Черепанов җитәкчелегендәге «Хәрби Дан Клубы» ассоциациясенең эш төркеме 2025 елда Президентның Мәдәни инициативалар фондының II грант конкурсында җиңүче булган.

Фонд ярдәме белән, Татарстанда туган, 1941-1945 еллардагы Бөек Ватан сугышында катнашкан, Советлар Союзы Герое исеменә тәкъдим ителгән 300 кешенең туган, чакырылган, хезмәт иткән һәм еш кына һәлак булган урыннары турында мәгълүматлар тупланган электрон база булдырыла. Алар орденнар белән бүләкләнгән. Шул исәптән 17 кеше Зеленодольск районында туган. Аларның батырлыклары тасвирламасы бары тик XXI гасырда гына ачыла. Бүләкләү кәгазьләре РФ Оборона Министрлыгы сайтларында бастырылса да, аларның гаилә әгъзаларына барып җитми.

Проект «Татарстанның йолдызсыз геройлары» исемле Хәтер Китабына 300 кешенең дә биографик мәгълүматларын кертеп бастырып чыгаруны һәм аны республика районнарына таратуны күздә тота. Танылмаган геройларның батырлыгы турында, ниһаять, кече ватанында да беләчәкләр. Герой исеменә тәкъдим ителеп тә, аны алмаган сугышчыларның батырлыгы турында стендлар куелган хәрби дан почмаклары булдыру планлаштырыла. Сезнең игътибарга Зеленодольск районында туган йолдызсыз геройлар турында кыскача мәгълүмат тәкъдим ителә. Бу сугышчыларның туганнары яки танышлары җавап бирер, аларның сугышка кадәрге яки аннан соңгы язмышлары турында сөйләрләр дип өметләнәбез. Түбәндәге адрес буенча хәбәр итәргә була: еchovoyni@yandex.ru.

1. АБДРАКОВ Николай Гобәй улы (Григорьевич), 1924 елда Башкортстанда туа. Татар. 1942 елда Зеленодольск РВКсыннан мобилизацияләнә. 1943 елда яралана. «Батырлык өчен» медале белән бүләкләнә. 1945 елда үлгәннән соң Кызыл Байрак ордены белән бүләкләнгән.
2. АНТОНОВ Павел Артемьевич 1925 елда Зеленодольск районының Гәр авылында туа. 1943 елда Дөбъяз РВКсыннан мобилизацияләнә. 1943 елда Ленин ордены белән бүләкләнә. 1944 елда Украинаның Винница өлкәсендә һәлак булган.
3. БАТАЛОВ Исмәгыйль 1913 елда Апас районында туа. Машинист ярдәмчесе. Юдино РВКсыннан 1942 елда сугышка алына. Белоруссия сугышларында катнашкан. Каты яраланган булган. Кызыл Байрак ордены белән бүләкләнгән.
4. ДАНИЛОВ Григорий Иванович 1921 елда Югары Ослан районында туа. 1941 елда Зеленодольск РВКсыннан мобилизацияләнә. 1945 елда I дәрәҗә Ватан сугышы ордены белән бүләкләнгән.
5. ЖИРКОВ Федор Иванович 1920 елда Зеленодольск районының Гәр авылында туа. 1945 елда үлгәннән соң I дәрәҗә Ватан сугышы ордены белән бүләкләнгән.
6. КИРПИЧНИКОВ Александр Максимович 1917 елда Зеленодольск районының Бишбатман авылында туа. 1942 елда мобилизацияләнгән. Кызыл Байрак ордены белән бүләкләнгән. 1944 елда Украинаның Житомир өлкәсендә һәлак була.
7. КОВАЛЕВСКИЙ Трофим Кондратьевич 1908 елның 28 апрелендә Украинаның Запорожье өлкәсендә туа. 1942 елда Зеленодольск РВКсыннан мобилизацияләнә. 1944 елда Кызыл Байрак ордены белән бүләкләнгән. 1944 елның 28 декабрендә Польшада һәлак була.
8. КОРОТКОВ Павел Иванович 1920 елның 12 июлендә Югары Ослан районында туа. 1940 елда Юдино РВКсыннан мобилизацияләнә. 1943 елда I дәрәҗәдәге Ватан сугышы ордены белән бүләкләнгән. 1946 елда демобилизацияләнә. 1985 елда II дәрәҗә Ватан сугышы ордены белән бүләкләнгән.
9. МӘКСҮДОВ Зәки Кашап улы 1924 елда Зеленодольск районының Норлат авылында туа. Норлат РВКсыннан мобилизацияләнә. II дәрәҗә Ватан сугышы һәм Кызыл Йолдыз орденнары кавалеры. «Ленинградны саклаган өчен» медале, Кызыл Байрак ордены белән бүләкләнгән.
10. МОИСЕЕВ Алексей Иванович 1919 елда Биектау районында туа. 1939 елда Юдино РВКсыннан мобилизацияләнә. 1941 елдан фронтта 5 тапкыр яралана. «Батырлык өчен» медале белән бүләкләнгән. 1944 елда үлгәннән соң I дәрәҗә Ватан сугышы ордены белән бүләкләнә.
11. НОВОЖИЛОВ Александр Григорьевич 1924 елда Яшел Үзән районы Ключи авылында туа. Юдино РВКсыннан мобилизацияләнә. 1945 елда Кызыл Байрак ордены белән бүләкләнгән.
12. ОСИН Николай Георгиевич 1922 елның 7 декабрендә Зеленодольск районының Мулла Иле авылында туа. Юдино РВКсыннан мобилизацияләнә. 1943 елда II дәрәҗәдәге Ватан сугышы ордены белән бүләкләнгән.
13. РЫХТЕНКО Валентин Гаврилович 1912 елда Әзербайҗанда туа. 1943 елда Зеленодольск РВКсыннан мобилизацияләнә. Кызыл Байрак ордены белән бүләкләнгән.
14. САБИРОВ Абдул Биктаһир улы 1923 елның 8 апрелендә Зеленодольск районының Сүнчәләй авылында туа. 1941 елда Зеленодольск РВКсыннан мобилизацияләнә. Кызыл Йолдыз ордены һәм «Батырлык өчен» медале кавалеры. 1945 елда Кызыл Байрак ордены белән бүләкләнә.
15. Смекалов Анатолий Тимофеевич 1925 елда Казахстанда туа. Юдино РВКсыннан 1943 елда мобилизацияләнә. 1945 елда Кызыл Байрак, Ватан сугышы орденнары белән бүләкләнгән.
16. Тимофеев Геннадий Михайлович 1923 елда Иркутск шәһәрендә туа. Юдино РВКсыннан мобилизацияләнә. Кызыл Байрак ордены белән бүләкләнгән. 1944 елда Литвада каты авырудан вафат була.
17. БЕЛОВ Павел Георгиевич 1910 елда Зеленодольск районында туа. 1941 елда мобилизацияләнә. 1943 елда үлгәннән соң I дәрәҗә Ватан сугышы ордены белән бүләкләнгән.