Алкоголь инспекциясе җитәкчесе кабул итә

Агымдагы елның 15 апрелендә көндезге сәгать 10да Васильевоның Свобода урамындагы 1нче йортта урнашкан башкарма комитет бинасында Татарстан Республикасы Дәүләт алкоголь инспекциясе җитәкчесе урынбасары Рөстәм Арсланов бистә халкын видео режимда кабул итә.

Җитәкчегә гражданнар алкоголь инспекциясе компетенциясенә кергән бөтен сорауларны бирә алалар. Аерым алганда, алар спиртлы эчемлекләрнең әйләнешенә һәм кулланучылар хокукын яклауга кагылышлы булачак.

Әлеге чарада теләүчеләрнең барысы да катнаша ала. Алдан язылып та куярга була, телефоны: (8843712) 4-58-78, 5-86-72.