Татарстан мәчетләрендә Ураза гаетен уздыру тәртибе билгеле

30нчы март (якшәмбе) көнне мөселман дөньясы Ураза гаетен билгеләп үтәчәк. Әлеге мөбарәк бәйрәм Татарстан Республикасының шәһәр мәчетләрендә иртәнге сәг. 6.30-да Коръән аятьләрен укып башланачак һәм сәг. 7.00-дә гает вәгазьләре белән дәвам итәчәк. Гает намазы сәг. 7.30-да укылачак.

Авыл җирлекләрендә гает намазын кояш чыгып ярты сәгать узгач уку тәкъдим ителә.

Татарстан Мөфтие Камил хәзрәт Сәмигуллинның бәйрәм вәгазе турыдан-туры эфирда “ТНВ-Татарстан” һәм “ТНВ-Планета” телеканалларында күрсәтеләчәк.

Дум РТ

Яшел Үзәндә гает намазы вакыты үзгә булачак. Соңрак хәбәр итәрбез.