Мөселман кешесенең Аллаһы Тәгалә һәм Пәйгамбәребезгә карата вазифалары нинди?

• Аллаһы Тәгаләнең барлыгына, берлегенә, Аның исем һәм сый-фатларына иман китерү;
• Аллаһы Тәгалә кушканнарын үтәү һәм тыйганнарыннан тыелу;
• Аллаһы Тәгалә биргән санаусыз нигъмәтләргә шөкрана кылу;
• Аллаһы Тәгаләгә карата сөю хисен күңелгә урнаштыру;
• Аллаһы Тәгаләдән курку; Аңа карата һәрвакыт тәрбияле, әдәпле булу, Аның исемен хөрмәт белән телгә алу.

Пәйгамбәребез салләллаһу галәйһи вә сәлләмгә карата вазифалар:

• Пәйгамбәребезнең пәйгамбәрлегенә иман китерү;
• Пәйгамбәребез аңлаткан дини мәсьәләләрнең дөреслеген һәм боларның Аллаһы Тәгаләдән икәнлеген кабул итү;
• Аның әхлагы белән яшәү;
• Пәйгамбәребезнең бөтен кешелеккә пәйгамбәр буларак җибәрелгәнен кабул итү;
• Тормышын үзебезгә үрнәк итү, аның сөннәте буенча яшәү;
• Исемен ишеткән вакытта «салләллаһу галәйһи вә сәлләм» яисә «галәйһиссаләтү вә сәлләм» дип хөрмәт белән искә алу;
• Аллаһы Тәгаләне һәм Пәйгамбәребезне үз җаныбыздан да артык ярату һәм хөрмәт итү.

«Ислам тәрбиясе» китабыннан