Яшел Үзән

Яшел Үзән шәһәре

16+
Финанс грамоталылык

Махсус хәрби операциядә катнашучыларга нинди түләүләр бар?

Хәрби хезмәткәрләргә һәм аларның гаиләләренә ярдәм итү махсус хәрби операция башыннан ук дәүләтнең махсус контролендә тора.

Башта преференцияләр Россия Федерациясе Президентының «Россия Федерациясендә өлешчә мобилизация игълан итү турында»гы 2022 елның 21 сентябрендәге 647нче  Указы нигезендә мобилизацияләнгәннәргә генә каралган иде.

Хәзер махсус түләүләр һәм ташламалар хәрби хезмәткәрләр – контрактчыларга һәм МХОда ирекле катнашучыларга да каралган. 2025 елда иминият суммалары, кайбер компенсация һәм пособиеләр 4,5% ка артачак. Моннан тыш, хәзер запаска җибәрелгән ветераннар һәм МХОда катнашучылар авыл хуҗалыгында эшкуарлык эшчәнлеген башлау өчен грант ала алачак.

Кемгә тиеш
Түләүләр  түбәндәге категорияләргә каралган:

  •  Махсус операция зонасында контракт буенча хезмәт итүче затларга. 
  •  МХОда катнашу өчен чакырылган резервистларга.
  • МХОда катнашучыларның гаиләләренә (тол хатыннар, балалар һәм башка якын туганнар).

Нинди түләүләр

2025 елдан МХО катнашучыларына авыл хуҗалыгында эшкуарлык эшчәнлеген башлау өчен грант бирелә. Мөгезле эре терлек үрчетүгә аның  күләме – 7 млн сумга кадәр, башка юнәлешләр буенча 5 млн сумга кадәр булачак. 

Акчалата тәэмин итү

МХОда катнашучылар – мобилизацияләнгәннәр, контрактчылар һәм иреклеләр – Россия Кораллы Көчләр министрлыгының бердәм исәп-хисап үзәге базасына мәгълүматларын керткәннән соң гамәлгә ашырыла торган түләүләр алырга хокуклы. Күләме – календарь айга 195 мең сумнан да ким түгел. 
Түләүләр ай саен 10ысыннан 20нче числога кадәр башкарыла. Шулай ук, бу түләүләргә чакырылыш төбәкләреннән дә өстәлә (әгәр алар каралган булса).

Бер тапкыр бирелә торган түләү

РФ Президентының «РФ Кораллы Көчләрендә контракт буенча хәрби хезмәт узучы хәрбиләргә бер тапкыр бирелә торган акчалата түләү турында»гы  2024 елның 31 июлендәге 644нче  Указы нигезендә 400 мең сум күләмендә бер тапкыр бирелә торган акчалата түләү билгеләнгән.

«Хәрби хезмәткәрләрне акчалата тәэмин итү һәм аларга аерым түләүләр бирү турында»гы 2011 елның 306-ФЗ номерлы Федераль законның 3нче маддәсе нигезендә контрактчыларга, шул исәптән запастан хәрби хезмәткә кергән кешеләргә, хәрби хезмәткәрне акчалата тәэмин итүнең бер оклады һәм гаиләнең һәр әгъзасына хезмәт хакының дүрттән бер өлеше күләмендә «подъемный» пособие түләнә.

Татарстаннан МХОга китүчеләргә түләү  

Татарстанда РФ Кораллы Көчләре министрлыгы белән контракт төзегән хәрби хезмәткәрләргә бер тапкыр түләнә торган түләү 2,8 млн сумга кадәр артты. 
Бу сумма региональ, федераль һәм муниципаль түләүләрне бергә кушкач барлыкка килә:

  •   Татарстаннан – 2,1 млн сум;
  •   РФ Миноборонасыннан – 400 мең сум; 
  •   ТР муниципалитетларыннан һәм предприятиеләреннән – 300 мең сумга кадәр.

Шуны исәпкә алырга кирәк, МХО зонасында сугышчылар аена 210 мең сум түләү ала. 
Бервакытлы түләү Татарстан территориясендә контракт төзүчеләргә генә бирелә. Башка төбәкләрдә яшәүчеләргә һәм чит ил гражданнарына  Татарстанга контракт төзергә килгән вакыт һәм юл өчен түләнә.  Ә ул бер көн вакытны ала. Чөнки Казанда узган елдан башлап контракт хезмәтенә документлар тутыру «Батыр»  үзәге эшли. 

Анда һәрбер теләүчегә документлар тутырырга, медицина тикшеренүе узарга, хезмәткә яраклылык категориясен ачыкларга һәм тиешле түләүләрне һәм ташламаларны белергә ярдәм итәләр. Чит ил кешеләренә һәм аларның гаиләләренә РФ гражданлыгы һәм ИНН  алырга булышалар. 
Исегезгә төшерәбез, контракт төзергә теләүчеләргә җитди финанс яклавы республикада 2024 елның 6 июленнән кертелде. Түләүләр һәм ташламалар турында «Батыр» сайтыннан һәм «Забота о своих» порталыннан белергә була. 

Яңа түләү 2025 елның 1 апреленә кадәр гамәлдә булачак. 

РФ Хәрби Көчләре сафларында контракт буенча хезмәт, премияләр,  ташламалар һәм түләүләр турында heroes-tatarstan.ruдан яисә 117 телефоны аша белегез. 

Шулай ук, контракт буенча хезмәткә (1нче разряд)  сайлау Пунктына мөрәҗәгать итәргә була.

Аның адресы: Казан, Аэропорт урамы, 1/40; тел.: 8(843) 221-44-52. 
Шулай ук, 8 800 222 59 00 номеры яисә 117 номеры буенча  төбәкара кол-үзәккә шалтыратырга була.

Ветераннарга ай саен түләү

Сугышчан хәрәкәтләр ветераннары айлык акчалата түләүгә хокуклы. 2025 елның 1 февраленнән аның күләме 4 489,98 сум тәшкил итә. Ул РФ Социаль иминият фондының территориаль органы тарафыннан билгеләнә.

МХОда яраланучыларга түләү

Махсус хәрби операция барышында имгәнүчеләргә 1нче исемлек буенча  бер тапкыр 3 млн сум күләмендә түләү каралган. Исемлекнең II бүлегендә каралган имгәнү очрагында – 1 млн сум. Әгәр дә җәрәхәтләнү исемлектә каралмаган булса, бер тапкыр бирелә торган түләү күләме 100 000 сум тәшкил итәчәк. 

Авыр яраланган өчен 

3 млн сум күләмендә түләү алган хәрби хезмәткәрләр инвалидлык билгеләнгәннән соң, тагын 1 млн сум алачак. Шул рәвешле авыр яралану буенча бер тапкыр бирелә торган түләү 4 млн сумга кадәр арттырылган.
Әгәр дә МХОда  катнашучы яралану сәбәпле алдагы хезмәткә яраксыз дип танылса, аңа бер мәртәбә бирелә торган пособие түләнә, аның суммасы 2025 елның 1 гыйнварыннан 
3 439 562 сум тәшкил итә.

Инвалидлык билгеләгәндә айлык акчалата компенсация 

Компенсация хезмәт итү вакытында алган җәрәхәтләре аркасында инвалидлык бирелгән махсус хәрби операциядә катнашучыларга билгеләнә:
  I төркем инвалидларга – 22 908 сум; 
 II төркем инвалидларга – 11 454 сум;  
 III группа инвалидларга – 4581,72 сум. 
Сугышчыларга дәүләт пенсиясе дә каралган: 
   I төркем инвалидларга – 23 069 сум; 
  II төркем инвалидларга – 19 224 сум; 
 III төркем инвалидларга – 13 457 сум.

Шулай ук, сугышчыларга инвалидлык буенча ай саен 7 605,52 сум күләмендә түләү каралган, ул мөрәҗәгатьсез билгеләнә. 

Дәүләт бүләкләренә лаек булганнарга

Россия Геройларына ай саен 89 675 сум түләнә. Күләме хәрби вазифа һәм класс чины буенча окладка бәйле.
Әгәр бүләкләү РФ Хөкүмәте тарафыннан гамәлгә ашырылса, бер айлык акчалата хезмәт хакы түләнә; РФ Президенты тарафыннан бүләкләнгәндә – ике оклад; мактаулы исемнәр биргәндә яки мактау билгеләре белән бүләкләгәндә – өч оклад; орден һәм медальләр белән бүләкләгәндә (юбилейлардан тыш) биш оклад күләмендә.

2025 елның 1 гыйнварыннан Изге Георгий ордены һәм аның  барлык дүрт дәрәҗәдәге  билгесе ияләре өчен пенсиягә өстәмә түләү кертелә. I дәрәҗә Изге Георгий ордены яки барлык дүрт дәрәҗә Изге Георгий ордены е билгесе белән бүләкләнгән хәрбиләргә түләү суммасы социаль пенсия күләменең 415%ын тәшкил итәчәк.

Игътибар!
МХОда катнашучыларга  һәм аларның гаиләсенә нинди  ташламалар бирелүе хакында мәгълүмат газетаның киләсе санында дөнья күрәчәк. Карап барыгыз!

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев