Февральдә нинди законнар гамәлгә керә?

Ана капиталы

Ана капиталы узган елгы инфляция күләмендә арта – 9,5%ка.

• Беренче балага: 690,3 мең сум (былтыр – 630,4 мең сум).
• Икенчесенә, әгәр беренче балага түләнгән булса: 221,9 мең сум (202,6 мең сум булган).
• Икенче балага, әгәр гаилә беренчесенә сертификат алмаган булса: 912,2 мең сум (833 мең сум булган).
• Әгәр ана капиталы элек алынган, әмма тулысынча тотылмаган булса, калган сумманы шулай ук 9,5%ка арттырачаклар.

Пенсияләр

1 февральдән иминият пенсиясен индексациялиләр. Аны 1 гыйнвардан 7,3%ка арттырганнар иде инде. Инфляция 9,5% тәшкил иткәч, аны тагын якынча 2,2%ка индексациялиләр.

Шулай ук, хәрби пенсионерларга артачак (былтыр 5,1%ка индексацияләгәннәр). Ә хәзер 4,4% өстәләчәк.

Пособиеләр

Февральдән күп социаль түләүләрне һәм пособиеләрне 9,5%ка арттырачаклар. Аларның саны – 40тан артык.

Мәсәлән:

• Бала тугач бер тапкыр бирелә торган пособие – 24 604,30дан 26,941,71 сумга кадәр.
• Бала караган өчен ай саен түләүнең минималь күләме – 9227,24тән 10  103,83 сумга кадәр (эшләмәүче ата-аналарга бирелә).
• Инвалид балаларны караган өчен – 10 000нән 10 950 сумга кадәр.
•  Җирләгән өчен пособие – 8370,20дән 9165,40 сумга кадәр.