Бездән бүләк, сездән – яңа ел кәефе
Урамда кар булмаса да, күңел могҗиза көтә. Иң сихри бәйрәмнәрнең берсе – Яңа елны каршы алырга җыенган көннәрдә «Ә бездә Яңа ел» дип исемләнгән бәйге игълан итәбез.
Шартлары гади: бәйрәм уңаеннан видео төшереп җибәрегез. Ул бер минуттан артмасын, яшь чикләүләре юк, ягъни әбиләр дә, бәбиләр дә катнаша ала. Исеменнән күренгәнчә, кәефне күтәрә торган булсын.
Әллә җырлыйсызмы, әллә инде шигырь сөйлисезме, чыршы тирәли әйләнәсезме, өегездәге бәйрәм кәефен күрсәтәсезме? Фантазияне эшкә җигәбез дә, телефонны кулга алып, видео төшерәбез һәм 89274138343 ватсап номерына (2024 елның 30 декабренә кадәр) юллыйбыз. Бары әлеге номерга килгән видеолар гына бәйгедә катнашачак!!! Һәммәсе дә социаль челтәрдә урын алачак. Сайтта тавыш бирү 2025 елның 2 гыйнварында 15.00 сәгатьтә старт алачак һәм 14 гыйнварында 20.00 сәгатьтә туктатылачак.
Ә җиңүчене Кыш бабайның серле бүләге көтә. Шулай итеп, сездән видеолар көтеп калабыз, дуслар. Ашыгыгыз!
Следите за самым важным и интересным в Telegram-каналеТатмедиа
Нет комментариев