«Авылда да тәртип булырга тиеш!»

Безнең Мулла Илендә шәһәр балаларына бушлай зоопарк бар! Только исе күңелгә тия торган. Тагын бер ямьсез күренешкә тап булдым әле: авылның югары башында балалар мәйданчыгы төзелгән иде. Аның эчендә йомышларын үтәп, сарыклар көтүе йөри. Балалар түгел, тәмам сарыклар мәйданчыгы булган бу. Авыл булгач, хайван да йөрмәсен икән дип, әйтергә ашыкмагыз. Соң, һәркем хайванын чыгарып кына җибәрсен алайса! Яшик шулай күңелле итеп. Авылда да тәртип булырга тиеш. Ул мәйдан сарыклар өчен түгел, балалар өчен төзелгән урын, капкасыннан, йөрсен әя, дип чыгарып җибәргән кеше ник шуны да аңламый икән?!

Фото: ясалма интеллект программасыннан алынды