Яшел Үзәндә яшәүче кадерле әниебез РӘМЗИЯ ГОСМАН КЫЗЫ ЯРУЛЛИНАны юбилее белән котлыйбыз!

Олы Ачасыр авылында туып үскән, бүгенге көндә Яшел Үзәндә яшәүче кадерле әниебез, дәү әниебез РӘМЗИЯ ГОСМАН КЫЗЫ ЯРУЛЛИНАны юбилее белән ихлас күңелдән кайнар котлыйбыз. 

Сөекле әниебез! Сиңа озын гомер, бәхет-шатлыклар, җан сихәте, сәламәтлек телибез. Кайгы-хәсрәткә бирешми һаман шулай көчле рухлы һәм ярдәмчел, изге күңелле, балаларыңның һәм оныкларыңның игелеген күреп, әтиебез белән тигезлектә гомер итүеңне телибез. Барсы өчен дә бик зур рәхмәт. 

Бер-беребез өчен җилкән булып,
Йөзеп чыгыйк тормыш диңгезен.
Син – терәгем булсаң, бар давылны
Җиңәргә дә әзер мин үзем.

Ак әби һәм Ак бабайлар булып,
Оныкларга киңәш бирербез.
Нинди уллар, кызлар үстердек! – дип,
Рәхәтләнеп сөенеп йөрербез.

Сине яратып, тормыш иптәшең Исмәгыйль, балаларың Азат, Гүзәл, киявең Ирек, киленең Гүзәл, оныкларың Камилә, Кәрим, Ясминә.