Мулла Илендә яшәүче хөрмәтле укытучыбыз, класс җитәкчебез Фирдәүсә Минһаҗ кызы Зәйнуллинаның 6 февральдә 85 яшьлек юбилее!

Фирдәүсә апа, сезне ихлас күңелдән шушы олы юбилеегыз белән котлыйбыз. Бөтен көчегезне, тырышлыгыгызны кызганмыйча, безгә мул итеп игелек, тәрбия орлыкларын сала белүегезне, гомерлеккә җитәрлек тирән белем бирүгезне без гел тоеп яшибез. Барысы-барысы өчен дә зур рәхмәт.
Сезгә ныклы-ныклы сәламәтлек, ак бәхетләр, күңел тынычлыгы, барлык якыннарыгызның күңел җылысын, игелекләрен тоеп, кайгы-хәсрәтләрсез озын-озак гомер кичерүегезне телибез.

Килгән чакта башка авырлык,
Җитми калса көч йә сабырлык,
Сиздермичә ярдәм иткәнсез —
Сез иң күркәм кеше икәнсез.

Олы ихтирам белән, 1985-1987 елгы чыгарылыш укучылары.