Яшел Үзәннең «Ледокол» хоккей командасы

Тасвирлама:
«Ледокол» хоккей командасы Яшел Үзәндә 2007 елда оеша. Команданың тренеры булып Снигирев Валентин Анатольевич билгеләнә. Команда бик күп җиңүләре белән дан тота.
Социаль челтәрләр:
- https://vk.com/public215328152

«Ледокол» хоккей командасы Яшел Үзәндә 2007 елда оеша. Команданың тренеры булып Идел буе дивизионының Беренче лигасы командалары арасында Россия беренчелегендә дүрт тапкыр җиңүче, Идел буе дивизионының беренче лигасы кубогын ике тапкыр отучы Снигирев Валентин Анатольевич билгеләнә. Снигирев Валентин Волжск шәһәренең «Ариада 1999» командасы егетләре белән 2012-2013 елларда Идел буе Кубогы иясе, 2018-2019 елларда Яшел Үзән шәһәренең «Тигры 2006» командасы яшүсмерләре белән ТР чемпионнары исеменә лаек була. 2019-2020 еллар сезонында «Ледокол» командасы ТР беренчелеге чемпионы, 2022-2023 елларда Казан шәһәре беренчелеге чемпионы исеменә лаек була, Тимур Умеркаев исә турнирның иң яхшы бомбардиры булып таныла. 2023-2024 еллар сезонында команда Казан шәһәре беренчелеге чемпионы, Угненко Иван чемпионатның иң яхшы уенчысы була. Шулай ук, команда «Алтын алка» турнирының республика этабында җиңүче, «Алтын алка» Бөтенроссия турнирының көмеш призеры булып таныла. 2010 елда «Ледокол» командасының тренеры булып Әлмәт шәһәренең «Спутник» МХЛ, Түбән Каманың «Реактор» МХЛ, Чебоксар шәһәренең «Чебоксар» ВХЛ командалары хоккейчысы Ковров Кирилл Евгеньевич билгеләнә. 2012 елда команданың тренеры исеменә Низамиев Булат Эльмир улы, 2013-2014 елларда хоккей буенча спорт мастерына кандидат, «Спутник» (Тагил) СК, ЦСК ВВС (Самара), «Алтай» СК (Барнаул), «Молот» СК (Пермь) командаларының Югары хоккей лигасы хоккейчысы Рәхимуллин Егор Илдус улы лаек була. 2015-2016 елларда команда белән тренер буларак хоккей буенча спорт мастерына кандидат Егор Рәхимуллин, 2017-2018 елларда Кирилл Ковров шөгыльләнә. 2019-2020, 2024 елның «Ледокол» яңа җыелма хоккей командасының тренеры булып янә Валентин Снигирев билгеләнә.