Яшел Үзән

Слайдер

  • 12 сентябрь 2019 - 08:42
    Яшел үзәнлеләр сынатмады, сайлау оешкан төстә узды
    Көтеп алынган дата 8 сентябрь - Татарстан Дәүләт Советына сайлау көне дә узып китте. Яшел Үзән халкы өчен ул истә калырлык булыр, мөгаен. Бәйрәм 7 сентябрьдә үк иртән “Маяк” спорт комплексында Шорин исемендәге марафон белән башланып китте. Елдагыча традицион йөгерү оешкан төстә үтте. Һәм, барчабызга да билгеле булганча, бу көнне яшел үзәнлеләр Шәһәр көнен билгеләп үзды. Һава торышы да шәп иде. Көн буена сузылган чаралар “Авангард” стадионында аллы-гөлле салют белән тәмамланды.
  • 27 август 2019 - 15:07
    Конференция булды. Район яңа уку елына әзер.
    Бүген районыбыз педагогларының август конференциясе булды. Ул Яшел Үзән мәгариф бүлеге җитәкчесе Рәисә Афанасьева гына булдыра алганча бик җанлы, күтәренке кәефтә һәм бик эчтәлекле узды. Юкка гына Мәгариф Минстрлыгында Яшел Үзән мәгариф системасын иң яхшы дип тапмаганнар инде! Афәрин, Рәисә Вәлиевна, котлыйбыз! Конференциядән язманы газетабызның алдагы санында укырга мөмкин булачак.
  • 12 август 2019 - 15:03
    Яшел Үзәндә республика семинары
    Бүген ТР Дәүләт Советы Рәисе Фәрит Мөхәммәтшин, вице-премьер - авыл хуҗалыгы һәм азык-төлек министры Марат Әхмәтов Яшел Үзәнгә килде. Алар районыбызның Олы Яке авылындагы фермерлар эшчәнлеге белән танышты, Зур Ключида пленар утырыш узды, анда авыл, авыл хуҗалыгы үсеше буенча проблемалар уртага салып хәл ителде. Тулырак язма газетабызның җомга санында. Илсөя Завилейская фоторепортажы.
  • 29 июль 2019 - 14:19
    Бакырчыда – Авыл бәйрәме!
    Эхх, шул авылда уздырган кичләр – эш дисәң эш түгел – җан рәхәте, җәмәгать! Безне инде нәрсә белән шаккатыра алырлар икән, дип барсак та, авыл халкы таба ул юлын. Матур мизгелләрне фотоларда карагыз))) Илсөя Завилейская фотолары.
  • 13 июнь 2019 - 14:47
    Шау-гөр килде Сабантуй мәйданы
    Менә ел буе көтеп алынган, яраткан Сабантуй бәйрәме дә узып китте. Киләсе елга да милли бәйрәмебезне исән-сау булып, бергә каршы алырга насыйп булсын. Илсөя Завилейская фотолары.
  • 3 июнь 2019 - 12:32
    Яңгырады соңгы кыңгырау 📣💒💫
    Яшел Үзән районы һәм шәһәре мәктәпләрендә Соңгы кыңгырау чыңлады. Илсөя Завилейская фотолары.
  • 15 май 2019 - 12:41
    Яшел Үзән Бөек Җиңүнең 74 язын каршылады
    Бөек Җиңүнең 74 еллыгы уңаеннан Яшел Үзәндә бик күп тантаналы чаралар узды. Бәйрәм кысаларында яшел үзәнлеләр мәңгелек утка чәчәкләр салды, Үлемсез полк маршында катнашты. Яшел үзәнлеләр сугышта катнашкан туганнарының портретлары белән шәһәр урамнарын узды. Илсөя Завилейская фотолары.
  • 14 май 2019 - 15:57
    Карамалы тау мәктәбе укучылары Горький исемендәге заводта булды
    Яшүсмерләр үзләренең уңышлары турында Ренат Мистаховка сөйләде. Чөнки, әгәр дә ул ярдәм итмәсә, Спартакиадада катнашу бәхете, елмаймас иде. Депутат, очрашу барышында, әле экскурсовод ролен дә башкарды һәм укучыларны гына түгел, барлык килгән кунакларны, журналистларны һәрбер җитештерү өлкәсендә, тарихында үзенең җентекле һәм киң белемен күрсәтте. Ренат Искәндәр улы заводта эшләүнең перспективалары, хәзерге вакытта актуаль булган һөнәрләр һәм мәктәп яшьләренең менә нәкъ сайлау, кай тарафка карап хәрәкәт итәргә кирәклеген аңлау мөмкинлеге чорында булулары турында сөйләде: – Сезнең, яшьләр, хәзер туплау чоры. Сез – укытучылар биргән белемне, ата-аналарыгыздан һәм гомумән, өлкән буыннан алган тәҗрибәне туп­лыйсыз. Онытмагыз, бу югары уку йортындагы кебек: беренче өч елында син зачеткага эшлисең, ә аннары зачетка сиңа хезмәт итә, – дип, тәҗрибәсе белән уртак­лашты Дәүләт Советы депутаты. Илсөя Завилейская фотолары.
  • 9 апрель 2019 - 11:59
    Бакырчыда 6нчы ел рәттән Коръән уку бәйгесе уза
    Бакырчыда бик күркәм традициягә әйләнгән һәм елдан-ел масштаблырак һәм югарырак дәрәҗәдә оештырыла торган Коръән уку бәйгесендә Яшел үзәнлеләр генә түгел, күрше районнардан да бик теләп катнашалар. Илсөя Завилейская фотолары.
  • 4 апрель 2019 - 15:44
    Урысбага мәктәбендә – юбилей
    Һәркем өчен укып чыккан белем йорты иң якыны, иң газизе. Инде аны тәмамлаганга дистә еллар үтсә дә, олыгаеп чәчләргә чал төшсә дә, туган мәктәп, аеруча укытучылар, күңел түрендә. Кем генә булсалар да, нинди генә дәрәҗәле урыннарда эшләсәләр дә, балачак, яшүсмер еллары онытырлык түгел. Әле менә Түбән урысбага төп гомум белем бирү мәктәбенең (яңа бинасының) 40 еллык юбилее хакында хәбәр таралгач та, күпләр туган авылына ашкынып кайтты. Илсөя Завилейская фотолары.
  • 21 март 2019 - 16:56
    “Йолдызлык”та – тел ачкычлары бәйгесе
    Һәр яз саен шәһәребезнең «Йолдызлык» балалар бакчасында зур бәйрәм – «Тел ачкычлары» дип исемләнгән төбәкара мәктәпкәчә яшьтәге балалар бәйгесе үткәрелә. «Яшел Үзән» газетасы журналистлары бу күркәм чарага ел да барып, газетада яктыртып барырга тырыша. Ни өчен дигәндә, татар телен камил белгән, җыр-биюгә оста, гомумән һәрьяктан сәләтле булган Яшел Үзән бәләкәчләрен һәркем күрергә, белергә тиеш. Чөнки киләчәгебез нәкъ менә балаларыбыз кулында. Илсөя Завилейская фотолары.
  • 12 март 2019 - 16:49
    10 гимназиядә Каюм Насыйри исемендәге конференция
    Шәһәребезнең 10нчы гимназиясендә “Тел гыйлеме һәм әхлакый эстетик кыйммәтләр формалаштыруда гуманистик традицияләрнең әһәмияте” дип аталган яшьләрнең Каюм Насыйри исемендәге XVII халыкара фәнни-тикшеренү конференциясе узды. Беренче турга 400ләп артык фәнни эш кабул ителгән, 300дән артыгы конференциядә үз эшене яклады. Бик күп галимнәр укучылар эшенә бәя бирде. Илсөя Завилейская фоторепортажы.
  • 15 февраль 2019 - 14:04
    Яшел Үзәндә чаңгы ярышлары
    9 февральдә ил күләмендә «Чаңгы – 2019» ярышлары узды. Спорт бәйрәменә бу көнне район һәм шәһәрдә барлыгы 6203 кеше кушылды. «Маяк» спорт комплексы иртәдән үк катнашучыларның күңелле шау-шуына күмелде. Илсөя Завилейская фотолары.
  • 13 февраль 2019 - 10:09
    Шәһәр һәм район сессиясеннән
    Яшел Үзән муниципаль районы Советының кырык бишенче һәм шәһәр Советының кырык дүртенче сессиясендә Татарстан Премьер-министры Алексей Песошин катнашты. Районның икътисади-социаль үсеше буенча нәтиҗә ясалды һәм 2019 елга планнар яңгырады. Тулырак газетада (№10). Илсөя Завилейская фотолары.
  • 12 февраль 2019 - 16:17
    АНАТОЛИЙ КАРПОВ – Яшел Үзәндә!
    Балалар иҗат үзәгендә “Шахмат марафоны “Яшел Үзән – 2018-2019” финал очрашуы булды. Ул “Бердәм Россия” партиясе проекты кысаларында, мәгариф оешмалары, ветераннар һәм ЯҮ муниципаль районында яшәүче гаиләләр арасында узды. Һәм әлеге турнирда катнашучылар белән очрашуга, халыкара гроссмейстер, шахмат буенча дөнья чемпионы Анатолий Карпов килгән иде. Җиңүчеләргә бүләкләрне атаклы шәхес кулыннан кабул итү бәхете елмайды. Илсөя Завилейская фотолары.
Реклама