Яшел Үзән

Урлашулар кимеми,урамнарда да тыныч түгел

Яшел Үзән районы эчке эшләр бүлегендә 9 айга нәтиҗә ясалды. Әлеге чорда барлыгы 1501 җинаять теркәлгән (2011 елда - 1838). Шуларның 58,9 проценты тикшерелгән. Узган елның шул чоры белән чагыштырганда үтерү, талау, фатир басу, склад һәм кибетләрдән урлаулар, ялган акча ясау очракларының кимүе билгеле. Шул ук вакытта җинаятьләр күбрәк ачылган....

Яшел Үзән районы эчке эшләр бүлегендә 9 айга нәтиҗә ясалды. Әлеге чорда барлыгы 1501 җинаять теркәлгән (2011 елда - 1838). Шуларның 58,9 проценты тикшерелгән. Узган елның шул чоры белән чагыштырганда үтерү, талау, фатир басу, склад һәм кибетләрдән урлаулар, ялган акча ясау очракларының кимүе билгеле. Шул ук вакытта җинаятьләр күбрәк ачылган.

Аерым алганда 9 үтерү, сәламәтлеккә авыр зыян салу буенча 28 факт, 13 юлбасарлык, 81 талау теркәлгән. Җинаятьләрнең күбесен элеккегечә урлаулар тәшкил итә.
Законсыз корал әйләнеше линиясе буенча 19 җинаять ачыкланып, 13 берәмлек корал законсыз әйләнештән алынган. Кешеләр 35 берәмлекне үзләре китереп тапшырган.
Җәмәгать урыннарында 399 җинаять кылынган. Спиртлы эчемлек эчкән һәм исерек булган өчен - 5517, вак хулиганлык кылып 1603 кеше тоткарланган.
Икътисадый өлкәдә 97 җинаять теркәлгән. Ялганлау һәм ришвәтчелек өстенлек ала.
Наркотикларның законсыз әйләнеше буенча 49 җинаять булып, 28 кеше тоткарланган. 7 кешене җинаять җаваплылыгына тартканнар, наркопритон тотуга бәйле рәвештә 14 җинаять эше кузгатылган. Наркотик саклау факты буенча 14 җинаятьне ачканнар. 504 грамм наркотик законсыз әйләнештән алынган. Наркотик кулланган 152 кеше административ җаваплылыкка тартылган.
Узган 9 ай эчендә полициянең участок оперуполномоченныйлары гражданнардан килгән 14 мең гариза һәм мөрәҗәгать караган. Җәмәгать оешмалары белән берлектә 97 җинаять ачылган. 145 кеше административ хокук бозып тоткарланган.
Дәүләт алкоголь инспекциясе белән берлектә көмешкә саткан 51 кешегә җәза бирелгән.
Шәһәр урамнарында тәртип бозучылар да җаваплылыкка тартыла. Төзекләндерү кагыйдәсен бозган - 540, тиешсез урында сәүдә иткән 109 кешене административ җаваплылыкка тартканнар.
Яшүсмерләр арасында да җинаятьләрне 74тән 58гә кадәр киметү мөмкин булган. Әмма шул ук вакытта җинаять кылучылар саны 47дән 49га җиткән. Балаларын төнлә урамда йөрткән өчен 200 ата-анага җәза бирергә туры килгән. Яшүсмерләргә алкоголь эчемлеге һәм тәмәке саткан 125 сатучыны җаваплылыкка тартканнар.
Әмма агымдагы елда юл хәрәкәте иминлеге өлкәсендә хәл киеренке булып калуын дәвам итә. ДТПлар 159дан 153 кадәр кимесә дә, һәлак булучылар 20дән 24кә җиткән. Яраланучылар 214тән 188гә кадәр кимегән.
Шәһәрдә аварияләр нигездә җәяүлеләрнең юл йөрү кагыйдәсен бозуыннан чыга (22 очрак). Кызганычка, 2 кешенең гомере өзелгән.
Федераль юлларда 38 ДТП чыгып, 12 кеше һәлак булган, 50се җәрәхәтләнгән.
454 машина йөртүче исерек килеш тотылган.
Балалар катнашында юл-транспорт фаҗигаләрен кисәтү максатыннан, район һәм шәһәр юлларында, 900 машина йөртүчене, балаларын машинада махсус җайланмасыз йөрткән өчен, туктатканнар. 3 меңгә якын җәяүле юл кагыйдәсен бозып тотылган.
Лилиана Куликова,
Яшел Үзән эчке эшләр идарәсенең матбугат хезмәткәре

Нравится
Поделиться:
Реклама
Комментарии (0)
Осталось символов: