14 – 20 сентябрьдә янгын сүндерүчеләр 14 чакыру кабул итеп алган

Васильевоның Курортная урамында файдаланылмый торган бинада, билгесез затларның ут белән саксызлыгыннан янгын чыккан һәм 20 квадрат метр мәйданга зыян килгән.
Яшел Үзәннең Төньяк урамындагы «Октябрьнең 70 еллыгы» бакчачылык җәмгыятендә бакча өе янган. Утның мичтән чыккан булуы ихтимал.
Дубровка бистәсенең Дружба урамындагы йортта, электр җиһазыннан файдаланганда кагыйдә үтәмәүдән янгын чыгып, беседка янган.
Яшел Үзәннең Татарстан урамында йорт фатиры кухнясында хуҗабикәнең ризык әзерләгән вакытта саксызлыгыннан ут чыгып, кухня җиһазлары янган.