ЗАГС бүлегендә юбилярларны котладылар

Юбилярларны сугыш чоры җырлары белән каршы алдылар. Әхәт һәм Әнвәрия Латыйповлар 69 ел бергә гомер кичерә. Әхәт абый Курск дугасы сугышында катнашкан кеше, ә хатыны - тыл ветераны. Менә дигән балалар үстергәннәр, хәзер оныклар һәм аларның балаларын тәрбияләргә булышып яшиләр.

Бәдретдин һәм Зөләйхә Зәбировлар да 55 ел иңне-иңгә куеп гомер кичерә. Гаилә башлыгы - Венгер сугышы ветераны. Әлеге һәм башка парларны бәйрәм белән котлап, истәлекле бүләкләр, гаилә учагын кадерләп саклап яшәгәннәре өчен районның башкарма комитеты исеменнән Рәхмәт хаты тапшырдылар.