Юрисконсультка сорау

- Кәрәзле телефон техник яктан катлаулы товар санала, нинди дә булса җитешсезлек табылган очракта, сатып алынганнан соң, 15 көн дәвамында гына акчаны кире кайтарып була. Товарда нинди дә булса җитди җитешсезлек табылса, ремонтлау сроклары бозылган очракта, гарантияләнгән вакыт аралыгында берничә тапкыр ремонтлату сәбәпле кулланырга мөмкинчелек булмаган очракларда, 15 көн үтүенә карамастан, түләнгән бәяне алу мөмкинлеге бар.
Бәяләмәне һәм мөһимлекне эксперт билгели. Бу очракта кулланучы телефонына гарантияләнгән хезмәт күрсәтү үзәге эксперт булып торачак. Әгәр дә телефонга ремонт таләп ителеп, төзәтелеп вакытында кире кайтарылса, кулланучының акча таләп итәргә ихтыяҗы калмаячак.
Әгәр ясалган экспертиза кулланучыны канәгатьләндермәсә, товарда, чынлап та, җитди җитешсезлек бар, дигән шик калса, ул үзенең хокукын суд аркылы яклый һәм суд барышында бәйсез экспертиза билгели ала.