Югалту

Автор, 20 март 2019 - 10:29

1264

Республиканың танылган журналисты, «Эфир» телекомпаниясе алып баручысы Алексей Кулешов арабыздан китте.

Ул үзенең иҗади биографиясен Яшел Үзәндә, «Зеленый Дол» телекомпаниясендә башлаган иде, 2003 елдан бирле «Эфир» телеканалында хезмәт итте. Республика матбугатлары хәбәр итүенчә, Алексей өч атна элек пневмония диагнозы белән дәваланырга китә. Дүшәмбе иртәсендә үлеме турындагы хәбәр килеп иреште. Апрель аенда аңа 40 яшь тулган булыр иде.
Якташыбыз бүген Яшел Үзән зиратында җирләнә.