Яшел үзәндә яшәүчеләр «Чиста яр буе» республика акциясенә кушылды

Яшел үзәнлеләр Идел елгасы һәм Өмет күле буен чистартты. Экологик акциядә районның башкарма комитет бүлекләреннән, ТКХ департаменты, шәһәр предприятиесе һәм оешмаларыннан хезмәткәрләр, битараф булмаган кешеләр катнашты. Гомуми көч белән территория чүп-чардан арындырылды, үлән чабылды. Чүпне түгүдә «Коммуналь хуҗалык» предприятиесе ярдәм күрсәтте.