Яшел Үзәндә бер егет Иделне йөзеп чыгарга уйлаган

Әмма көчкә үзе дә суга батмый калган. Горький исемендәге заводка Архангельдән килеп эшләүче бу 33 яшьлек еге, дуслары алдында батыраеп, Иделне йөзеп чыгарга уйлаган. Әмма аракы пары аңын томалаган егетне елга агымы үзе белән алып китеп, ир-егет бата башлаган. Суга бата башлаучыны көймә станциясе начальнигы күреп ала һәм коткаручылар бригадасын чакырта. Бәхеткә каршы Яшел Үзәннең ГИМСы патруле якында гына булган. Фаҗига булган урынга инспекция хезмәткәрләре килеп җитеп, аны коткара. Барысын да секундлар хәл итә.

Регина Чибрикова.