Яшел Үзән районында кар көртендә табылган 9 яшьлек баланың хәле канәгатьләнерлек, дип хәбәр ителә.

Район үзәк хастаханәсе баш табибының медицина өлеше буенча урынбасары Кадрия Литовец әйтүенчә, баланы күлмәктән туган, дияргә дә була. Балалар хирургия бүлегендә дәваланучы малайның сәламәтлеге канәгатьләнерлек, диелә. Аны табиблар дәвалый, янында - әбисе. Үзлегеннән палатада йөри ала икән. Хәзер аның сәламәтлегенә бернинди куркыныч янамый, дип яза җирле мәгълүмат чыганагы.