Яшел Үзән кызы Римма чит илдә дә сыната торганнардан түгел

5 яшендә әле тимераяк шнурларын да бәйли белмәгән кыз, инде 11 яшендә бик күп җиңүләре өстенә Iнче разряд алган кыз. Россия шәһәрләрендә генә түгел, ә чит илдә (Франция, Италия, Гарәп Әмирлекләре) узган ярышларда да сынатмаган кызның хыялы зур.

Әле соңгы айларда гына алган җиңүләрен билгеләп үтәсе килә. Казанның "Стрела" балалар һәм яшүсмерләр спорт мәктәбе беренчелегендә II урын, Чабаксарда уздырылган Чуаш республикасы беренчелегендә III урын, ТР беренчелегендә һәм ТР спартакиадасында V урын, Яр Чаллы шәһәре балалар һәм яшүсмерләр спорт мәктәбе беренчелегендә I урын, Яшел Үзән шәһәре беренчелегендә III урын яулады. Якташыбызны шушы җиңүләре белән котлыйбыз. Алдагы ярышларда да сынатмассың дип уйлыйбыз. Чөнки аңа тренеры Дарья Фалина да зур өметләр баглый.