Яңа комбайн һәм трактор алыгыз

Районыбыз авылларында үз эшен оештырганнарга дәүләт яңа техника сатып алыр өчен быел җәмгысы, 67 миллион 940 мең сум күләмендә субсидия бирәчәк.
Субсидия яңа техника бәясенең 40-60 процентын түләү өчен бирелә. Техниканың Россия Федерациясендә яисә бердәм таможня союзына кергән илләрдә ясалган булуы шарт. Комбайн, трактор, ферма җиһазлары һ.б. техник чаралар сатып алыр өчен дәүләт ярдәме зур хуҗалыклар белән бергә шәхси хуҗалыкларга да бирелә. Республика бюджетында каралган бу субсидия акчасын алыр өчен, гариза язып, авыл хуҗалыгы һәм азык-төлек идарәсенә мөрәҗәгать итәргә кирәк.