WhatsApp, Viber, Telegram кулланучы түрәләр эшсез калырга мөмкин

Россиядә түрәләргә эш турында сөйләшкәндә WhatsApp, Viber, Telegram мессенджерларын куллану тыелачак. Кагыйдәне үтәмәгәннәр эшләреннән азат ителәчәк яисә башка дисциплинар чараларга дучар булачак, дип хәбәр итә "Татар-информ" "Известия"гә сылтама белән.

Әлеге мәсьәләгә кагылышлы норматив актларны төзү Федераль куркынычсызлык хезмәтенә йөкләнәчәк, диелә хәбәрдә. Документ 2017 елның беренче кварталы азагына кадәр әзер булырга тиеш дип ниятләнә.

Шәхси максатларда WhatsApp, Viber, Telegramны куллануны тыю планлаштырылмый.