Узган елның соңгы сессиясе

30 декабрьдә Яшел Үзән муниципаль районы Советының 51нче сессиясе булды. Анда сигез мәсьәлә каралды. Депутатлар район бюджетына кертеләсе үзгәрешләрне һәм район милекләренә кагылышлы үзгәрешләрне раслады. Муниципаль район башлыгы Александр Тыгин Яшел Үзән районы Советының 2015 елгы эш планы белән таныштырды. Сессиядә шулай ук ЯҮМР Советының даими комиссия рәисе Ольга Нагайцева районның 2014 елда социаль-икътисади үсеше буенча исәп-хисап тотты. Яңа елда хәл итәсе мәсьәләләр шактый, дәва учреждениеләренә табиб-белгечләрнең җитмәве - шуларның иң нык борчыганы, дип белдерде рәис. Районның дәваханәләренә бүгенге көндә 211 белгеч кирәк.