Төркия компаниясе Яшел Үзәндә он җитештерә башлый

Agropro Makine Gıda İnşat San. ve Dış Tic компаниясе («Агропро») җитәкчесе Мостафа Озкылыч Зөя мультимодаль логистика үзәгендә булды. Нәкъ менә бу территорияне Төркия инвесторлары тәүлегенә 125 тоннага кадәр он җитештерү мәйданчыгы итеп карый. Проектны узган елның маенда Татарстан Президенты Рөстәм Миңнехановка Истанбулга эш визиты вакытында тәкъдим иттеләр. Фабриканы быелның көзендә эшләтеп җибәрү күздә тотыла.