Татарстанда +8 градуска кадәр суытачак
Татарстанда 25 һәм 26 июльдә төнлә һава температурасы +8...+13°ка кадәр төшәчәк, көндез +19..+24°дан артык булмас дип көтелә. Явым-төшем фаразланмый. Бу хакта Гидрометүзәк хәбәр итә.
Якындагы тәүлектә Татарстанда шулай ук салкынча һава торышы көтелә: төнлә +11...+16°ка кадәр, көндез +20..+25°.
Көн дәвамында шулай ук яшенле яңгырлар һәм көчле җил көтелә, локаль рәвештә боз яварга мөмкин. Көнлек уртача температура күпьеллык күрсәткечләрдән 3-4 градуска түбәнрәк булачак.
Якынча мәгълүматларга караганда, 27 июльдә Татарстанда акрынлап температура фоны күтәрелә. Төнлә +10..+15° көтелә, ә көндез +21..+26°ка кадәр һава җылыначак.
Урыны белән зур булмаган яңгыр булырга мөмкин.
Следите за самым важным и интересным в Telegram-каналеТатмедиа
Нет комментариев