«Сыйныф җитәкчесе-2014»

Яшел Үзәннең 3нче гимназиясендә ике көн буе «Сыйныф җитәкчесе-2014» республика конкурсының зона туры булды.
Анда Казанның Киров, Вахитов, Совет, шулай ук Лаеш, Югары Ослан, Питрәч районнарыннан педагог­лар катнашты. Яшел Үзәннән 3нче гимназиядән Оксана Хмельницкая, 1нче лицейдан Ольга Аксенова, Васильевоның 2нче мәктәбеннән Лилия Шамукова катнашты.
Жюри хөкеменә конкурсантның визит карточкасы, класстан тыш чара фрагменты һәм иҗади проектын тәкъдир итү кебек биремнәр тәкъдим ителде. Хәзер инде һәр чыгышка - баллар, осталыкка бәя куелган. Конкурсның финалы апрель уртасында булыр һәм анда безнекеләр республика күләмендә урын яулар дип көтәргә кала.