Рульгә исерек килеш утырган

Яшел Үзәндә ДПС хезмәткәрләренә кичке якта аеруча уяу булырга туры килә - эштән соң салып алучылар арта. 4 мартта менә шулай ВАЗ автомобилен туктаталар, машина йөртүче 1980 елгы ир кеше исереткеч эчемлек куллануда шикләнелә. Тикшереп карасалар, чыннан да шулай булып чыга: алкотестер аның канында 0,649 мг/л исерткеч булуы ачыклана. Инспекторлар транспорт чарасы белән исерек килеш идарә иткән дип административ беркетмә төзиләр, машина штрафстоянкага куела. Ә егет бары тик дңин тоник кына эчтем, дип акланырга маташа. Баксаң, административ җаваплылыкка берничә тапкыр тартылган икән. 2011 елда - 61, 2012 елда - 36, 2013 елда - 7 тапкыр. Барысы да тизлекне арттырган өчен.