Коммуналь хезмәтләр өчен тарифларны үзегез раслагыз

Торак-коммуналь хезмәтләренә тарифлар, РФ Торак кодексына ярашлы рәвештә, торак милекчеләре җыелышларында расланырга тиеш. Әмма торакларда яшәүче милекчеләрнең оешу сәләте бик түбән булганга, практикада мондый карарлар җирле үзидарә органнары тарафыннан кабул ителә.

Бүгенге көндә Яшел Үзән торак-коммуналь хуҗалыгы департаменты милекчеләрне әлеге җыелышларны үткәрергә чакыра. Яшел Үзәннең "Торак комплексы " идарә компаниясе" ширкәте әлеге эшкә кереште. Шушы көнгә барлыгы 78 җыелыш үткәрелде. Әлеге җыелышларда торак-коммуналь хезмәтләр өчен тарифларны раслау белән беррәттән агымдагы мәсьәләләр дә хәл ителә.