Июнь яллары дүрт көн

Алда бәйрәм - 12 июнь - Россия көне булу уңаеннан, бу атнада ике көн - 12се һәм 13ендә ял итәчәкбез. Шимбә һәм якшәмбене дә кертеп, июнь яллары дүрт көнгә сузыла. Ә инде 13 июнь каян чыккан ял көне дип сорасагыз, без аның өчен, хәтерегездә булса, гыйнвар аенда эшләгән идек. Шулай итеп, алдагы дүрт көн чүп утарга да, кызынырга да, бәрәңге кәтмәнләргә дә җитәчәк.

Хөрмәтле газета укучыларыбыз, алда әйтеп үткән бәйрәмдә без дә кеше рәтеннән ял итүебез сәбәп­ле, газетабызның киләсе саны 18 июньдә чыгачак.