Гаеп ике якта да бар
Август аенда гына да Яшел Үзәндә яшүсмерләр катнашында 2 юл һәлакәте чыккан. Җәйге вакыт өчен бу хас булса да, фаҗигаләргә битараф калу һәм аны гадәти хәлгә тиңләү мөмкин түгел.
Инспекторлар кисәтеп торуга карамастан, юлларда андый очраклар булып тора. Төзүчеләр проспектында 12 яшьлек җәяүле автобус артыннан кинәт юлга килеп чыккан. Нәтиҗәдә, аны 55 яшьлек ир йөрткән «КамАЗ» автомобиле бәрдергән. Табанына зыян килгән яшүсмерне дәваханәгә алып киткәннәр. Ә икенче көнне Ленин урамында «КИА» автомобилен йөртүче 17 яшьлек велосипедчыга юл бирмәгән. Нәтиҗәдә, велосипед йөртүченең кулбаш сөяге сынып, госпитализацияләнгән.
Болардан күренгәнчә, балалар белән ныклап аңлату эшләре алып барыр га, машина йөртүчеләргә шәһәр урамнарында бик сак йөрергә кирәк. Хак лы-хаксыз булсаң да, җавап тотарга туры киләчәк.
Следите за самым важным и интересным в Telegram-каналеТатмедиа
Нет комментариев