Фирдүс Тямаев Тарих институтында үз милләте өчен горурлык хисе турында җыр башкарды

Татар эстрадасының популяр вәкиле Фирдүс Тямаев ТР Фәннәр академиясенең Ш.Мәрҗани исемендәге Тарих институтында мишәрләр турындагы китапны тәкъдир итүдә катнашты. Чарада җырчы патриотик җыр башкарды.

Бүген тарих институтында «Карлыда татар князьләре чоры (XV–XVII гасыр)» китабын тәкъдир итү булды. Басма татар, шулай ук Мокша һәм Эрзя халкы тарихына багышланган.

"Патриот буларак шуны әйтәсем килә: һәр йортта Коръән бар, ә икенчесе һичшиксез тарих буенча китап булырга тиеш. Аны безнең балалар да белергә тиеш. Үз тарихын белгән кеше - бәхетле кеше. Безнең балалар, бу җирдә яшәгәндә, милләтне саклау өчен ата-бабаларыбызның күпме көч бирүләрен аңларга тиеш", - дип билгеләп үтте җырчы.

Соңыннан артист үз репертуарыннан «Горурланып яшим җирдә татар булып» дигән патриотик җыр башкарды. Презентациядә җырчыга ТР Фәннәр Академиясенең Тарих институты чыгарган Җиде томда «Борынгы заманнардан татар тарихы» н бүләк иттеләр.