Чәчкәнең каенанасы: «Кызларыбыз бер-берсенә бик охшаган»

Иң кызыгы - Чәчкәнең каенанасы Эльмира ханым белән берьюлы бәби алып кайтуыдыр, мөгаен. Икесе дә кыз бала. Икесе дә Казанның Груздев исемендәге 3нче номерлы бала тудыру йортында таптылар. Бүген икесе дә үзләрен әйбәт хис итәләр. Эльмира ханымның, ягъни Чәчкәнең ире Ирек Гыйбадуллинның бертуган сеңлесенә ике ай тулган инде. Ә Чәчкә 23 август көнне беренче баласын дөньяга китерде.

- Балага узармын дип уйламаган идем. Яшь вакыттарак кыз бала алып кайтырга хыялландым, әлбәттә. Һәм менә матур көннәрнең берсендә балабыз булачагын белдек. Өйдәгеләр белән киңәшләшкәч, аны калдырырга теләдек. Шулай итеп, 44 яшемдә өченче баламны алып кайттым. Күпмедер вакыттан соң улым Ирек белән Чәчкәнең дә бала алып кайтачакларын белдем. Әлбәттә, бик шатландым. Бергә үсәрләр, дидек. Ике баланың бергә үсүләре бәхет бит!

- Куркытты, әлбәттә. Ни дисәң дә зур адым. Иреккә хәзер - 24, Таһирга - 15, кечкенә кызыбыз Мәдинәгә 2 ай тулды.

- Җылы, дусларча, кызым кебек ул.

- Минем өчен иң мөһиме - бер-берсен яратсыннар, аңлашып яшәсеннәр. Аларга яшәргә бит. Аларга карасаң, бер дә Чәчкә Иректән өлкән булып күренми. Бер тирәдәгеләр сыман. Чәчкә миңа бик ошый. Өлкән дип, мин аны какмадым. Киресенчә, беренче күрүдән үк үз иттем.

- Дөресен әйткәндә, мин бөтенләй татар эстрадасы белән кызыксынмый идем. Татарча җырлар тыңламадым диярлек. Чәчкәне дә белми идем. Ул безнең гаиләгә килеп кергәч, бөтенесе дә үзгәрде. Аның җырларын яратып тыңлыйбыз.

- Психиатрия хастаханәсендә сестра-хозяйка мин.

- Әйе, күрдем. Телефон аша фотосын җибәргәннәр иде. Кызларыбыз бер-берсенә бик охшаган. Оныгымны әтисенә охшаган, диләр.