Яңа елда Россия халкы 10 көн ял итәчәк. 2 һәм 3 гыйнвар көннәре шимбә-якшәмбегә туры килгәнлектән, аларны 3 май һәм 7 мартка күчерәчәкләр. Ватанны саклаучылар көне уңаеннан өч көн рәттән - якшәмбе, 21 февральдән, башлап ял итәчәкбез. Халыкара хатын-кызлар көнендә бәйрәм ялы дүрт көнгә сузылачак - 5-8 март.
Май бәйрәмнәре дә кыска булмаячак - Яз һәм хезмәт бәйрәме уңаеннан 30 апрель-1 майда дүрт көн буе, Җиңү көнендә 7-9 майда өч көн рәттән ял итәчәкбез.
Россия көнендә кабат өч көн ял көтә - шимбә, 11 июньнән башлап 13 июньгә кадәр эшкә чыгасы булмый.
Елның чираттагы өч көнлек ялы белән бәйрәмнәр ноябрьдә төгәлләнә. Халыклар бердәмлеге көне уңаеннан 4-6 ноябрьдә ял итәчәкбез.
Исегезгә төшерәбез: канун буенча, бәйрәм көне ялга туры килә икән, ул башка эш көненә күчерелә.
Материал интертат.ру сайтыннан алынды.
Нет комментариев