Автобус тукталышында да басып тору куркыныч икән бит

Әлеге машина каршына көйләнми торган җәяүлеләр юлына кинәт балалар килеп чыга һәм автомобиль йөртүче аларны бәрдермим дип, кинәт рульне уңга борып, тукталыш белән автобус арасыннан узарга карар кыла. Бу вакытта автобус пассажирларны төшерә торган була. Ничек кешеләр өстенә килеп менмәгән диген! Аллаһ кына саклаган, бер кеше азрак зыян күргән, аңа урында ашыгыч медицина ярдәме күрсәтелгән.

Балаларыгызны юлда йөрергә өйрәтсәгез иде, башта юл аша чыгар алдыннан уңга һәм сулга карасыннар! Кыпылт кына килеп чыккан кеше алдыннан машина ничек туктарга тиеш?! Ярый да бу очракта бәла-каза булмыйча калган, Ходай саклаган!