ТР Үзәк сайлау комиссиясе сәркатибе Надежда Борисова хәбәр иткәнчә, сәгать кичке 6га Татарстандагы 2802 сайлау участогының 250сендә сайлаулар 100 процентка төгәлләнгән. Әмма, әлбәттә, алар закон буенча, сайлау тартмасына салынган бюллетеньнәрне бары тик сәгать кичке 8 җиткәч кенә карый алачак. Сайлаулар барышында алдынгылар рәтендә, элеккегечә - Кайбыч (98,8 процент), Әтнә (93,4 процент), Чирмешән (94 процент) районнары (һ.б.) тора.
- Бюллетеньнәрне санау сәгать кичке 8дә башлана, ләкин әгәр сайлау комиссиясе хезмәткәрләре сайлаучыларның өенә чыгып киткән булса, аларның кайтканын көтәчәкләр. Шуннан соң сайлауларда катнашучыларның санын исәпләгәч, бюллетеньнәрне санарга керешергә ярый. Иң элек Татарстан Президенты өчен, аннан соң муниципаль берәмлекләргә депутат булып сайланучыларга бирелгән тавышларны санаячаклар. Тулы нәтиҗәләр иртәгә иртәнге якта гына билгеле булачак, - ди Надежда Борисова.
Нет комментариев