17 нче мәктәп ишегалдында СССР Герое Николай Андреевич Катинның туган көненә багышланган митинг узды

Тантаналы чара барышында Яшел Үзәннең иң өлкән уку йортларының берсе фасадында якташыбыз хөрмәтенә мемориаль такта ачылды һәм яшь армияче отрядына байрак тапшырылды.

Митингта Николай Катинның бертуганының кызы Татьяна Никитина, Үзәк хәрби округның Берләштерелгән стратегик командованиесе инспекторы Юрий Королёв, Яшел Үзән хәрби комиссариаты һәм "Юнармия" балалар-яшүсмерләр патриотик хәрәкәтенең республика бүлеге вәкилләре катнашты һәм чыгыш ясады.