Яшел Үзән

Яшел Үзән укучыларына юка бозның куркыныч булуы турында сөйләделәр

Халык белән профилактик әңгәмәләр үткәрү - сулыкларда коткару җәмгыяте хезмәткәрләренең төп бурычларыннан берсе. Иң мөһиме балаларны бәла-казадан саклап калу.

Көзге боз барлыкка килү белән Яшел Үзән районы мәктәпләрендә сулыкларда үз-үзеңне тотуга багышланган тематик дәресләр старт алды.

- Балалар, бозга һич тә чыкмагыз! Аның ныклыгын сынарга кирәкми. Бозлы суга бер секунд эчендә төшеп китәргә мөмкин бит, ә аннан чыгып җитеп булмый диярлек. Салкын суда булу һәр секунд саен уңай нәтиҗәгә өметне киметә. Үзегез дә хәтерегездә калдырыгыз һәм якыннарыгызны кисәтегез: юка боз хаталар кичерми! - дип коткаручылар балаларга дөреслекне сөйләде.

Дәресләрдә саклык чаралары гына түгел, ә шундый хәлгә тарыганда нишләргә кирәклеге турында да сөйләнде.

- Әгәр дә сез судагы бәхетсезлек очрагының шаһиты булсагыз, бер вакытта да суга керергә ярамый, беренче чиратта "112" хезмәтенә шалтыратырга һәм өлкәннәрне ярдәмгә чакырырга кирәк!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: