Яшел Үзән

Яшел Үзән районындагы каты режимлы төрмәдә журналистлар булды

Татарстанның 5 нче төзәтү колониясе ел ахырына кадәр 197 млн сумлык продукция сатарга планлаштыра. Бишенче төзәтү колониясендә тоткыннар ясаган продукцияне сатудан 200 млн сум чамасы керем алу планлаштырыла. Бишенче номерлы каты режимлы төзәтү колониясенең белем бирү һәм җитештерү эшчәнлеге турында журналистларга төзәтү учреждениесенә матбугат туры вакытында сөйләделәр. Россия Җәзаларны үтәтү...

Татарстанның 5 нче төзәтү колониясе ел ахырына кадәр 197 млн сумлык продукция сатарга планлаштыра.

Бишенче төзәтү колониясендә тоткыннар ясаган продукцияне сатудан 200 млн сум чамасы керем алу планлаштырыла. Бишенче номерлы каты режимлы төзәтү колониясенең белем бирү һәм җитештерү эшчәнлеге турында журналистларга төзәтү учреждениесенә матбугат туры вакытында сөйләделәр.
Россия Җәзаларны үтәтү буенча федераль хезмәтнең ТР буенча идарәсе бишенче төзәтү колониясе башлыгы, эчке хезмәт полковнигы Юрий Арбузов журналистлар өчен төрмәнең сәнәгать блогы буенча экскурсия оештырды.
Бишенче төзәтү колониясе каты режимлы, анда авыр җинаять кылган өчен беренче тапкыр хөкем ителүчеләр утыра, дип сөйләде ул. Хәзергә төрмәдә 1,7 меңнән артык тоткын, колония 1,83 мең кеше сыйдырышлы. Бүген 5 нче төзәтү колониясе Татарстанда иң эре төзәтү учреждениеләренең берсе.
Төзәтү учреждениесендә берничә юнәлештә тәрбия бирелә: тоткыннарны белем алу яки җитештерү эшчәнлегенә җәлеп итү, шулай ук даими консультация чаралары. Агентлык әңгәмәдәше сүзләренә караганда, тоткыннарга тәрбиягә бирүнең иң нәтиҗәле ысулы - белем бирү һәм хезмәт.
"Тоткыннар өчен эш урыннары булдыру һәм психологик ярдәм төп бурыч булып тора. Эш шунда ки, аларның күбесе беркайчан да эшләмәгән, ата-аналары "җилкәсендә утырган" яки наркотиклар сату белән шөгыльләнгән, ягъни акча табуның төрле ысуллары белән шөгыльләнгән, ләкин эш белән түгел. Шулай итеп, төп бурычларның берсе аларны хезмәткә җәлеп итү", - дип сөйләде Юрий Арбузов.
Бишенче төзәтү колониясендә белем алу һәм хезмәт кую өчен барлык шартлар тудырылган.
Колониядәге производство чәнечкеле тимерчыбыкның теге ягындагы предприятиеләрдән аерылмый: 8 сәгатьлек эш көне, смена графигы, аена 10 мең хезмәт хакы. Срокларын тутыргач барлык хезмәткәрләргә хезмәт стажы турындагы документ бирелә. Атнага алты көн станок артында 720 тоткын хезмәт куя. Алар арматура, баскычлар, бетон блоклар һ.б. әйберләр ясый.
Төрмә башлыгы белдергәнчә, җитештерелгән продукцияне сатудан кергән акча производствоны тотарга җитә диярлек. Әмма бүгенгә хәл ителмәгән проблемалар бар. Мисал өчен, искергән станокларны алмаштыру. Якын арада төзәтү колониясе җитәкчелеге җитештерелә торган продукциянең сыйфатын яхшырту, аның көндәшлеккә сәләтлеген күтәрү белән шөгыльләнәчәк. Эш шунда ки, төрмә производствосының рентабельлеге уртача 6 процент чамасы гына тәшкил итә. Соңгы арада заказлар да аз.
"Быел 197 миллион сумлык продукция сатарга планлаштырабыз. Без продукция җитештереп производствоны үстерү, шулай ук тоткыннарга тәрбия бирү бурычын үтәргә тиеш", - дип тәмамлады сүзен төрмә башлыгы.

Язма ТАТАР-ИНФОРМ агентлыгына алынды.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: