Яшел Үзән

Татарстанда вакытыннан алда ял көннәре кертелмәячәк

Татарстанда хезмәт хакы түләнәчәк ял көннәре вакытыннан алда кертелмәячәк. Тиешле карар турында ТР Президенты матбугат хезмәте җитәкчесе Лилия Галимова хәбәр итте.

«Республиканың оператив штабы Татарстан Республикасы Президенты Рөстәм Миңнехановка төбәктәге актуаль эпидемиологик вәзгыять һәм федераль оператив штаб тәкъдим итә торган чаралар турында хәбәр итте», - дип билгеләп үтте агентлык әңгәмәдәше.



Доклад нәтиҗәләре буенча һәм ял көннәрендә объектларын япмаска сораган республиканың кече һәм урта бизнес вәкилләренең мөрәҗәгатьләрен исәпкә алып, берничә карар кабул ителде.



"Татарстан Республикасында 11 октябрьдән кабул ителгән чараларны исәпкә алып (Хөкүмәт карары рестораннарга, сәүдә үзәкләренә, фитнес-үзәкләргә, 65 яшьтән өлкәнрәк затларга вакцинациясез йөрүне чикләү, шулай ук аерым категориядәге гражданнарга мәҗбүри вакцинация турында Роспотребнадзор карары), 23 октябрьдән ял көннәрен кертмәскә дигән карар кабул ителде", - дип ассызыклады Лилия Галимова.

 

Шул ук вакытта Рөстәм Миңнеханов оператив штабка һәм Роспотребнадзорга эпидемиологик вәзгыятькә анализ ясарга һәм 30 октябрьгә эшне алга таба оештыру буенча тәкъдимнәр эшләргә кушты. Ял көннәрен керткәндә, 30 октябрьдән 7 ноябрьгә кадәр предприятиеләр һәм оешмалар өзлексез цикл оештырачак, тормыш эшчәнлеген тәэмин итүче предприятиеләр һәм оешмалар, дәүләт һәм муниципаль хакимият органнары, КФҮ һәм мәгариф учреждениеләре эшен дәвам итәчәк.


Бу учреждениеләрнең эше санитар-эпидемиологик таләпләрне үтәп оештырылачак, дип өстәде Галимова. Татарстан Президенты шулай ук коронавируска каршы вакцинация темпларын арттыру буенча актив эшне дәвам итү бурычын куйды. Бу эш көне булмаган ял көннәрен кертү буенча алга таба карарлар кабул итүгә турыдан-туры йогынты ясый, дип ачыклык кертте агентлык әңгәмәдәше.


Элегрәк РФ Президенты Владимир Путин Россиянең барлык төбәкләрендә эшчеләрнең хезмәт хакын саклап калу белән 30 октябрьдән 7 ноябрьгә кадәр эш көне игълан итү турында указга кул куйган иде. Шул ук вакытта катлаулы эпид-хәлле төбәкләр мөстәкыйль рәвештә ял көннәрне иртәрәк кертү турында карар кабул итәргә мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: